وزیر اطلاعات سندھ شرجیل میمن کا کہنا ہے کہ بلاول بھٹو  کےمودی  کومسلمانوں کے قتل عام پرقصائی کہنے پر پورے بھارت میں مظاہرے کیے جا رہے ہیں ۔

تفصیلات کے مطابق وزیراطلاعات سندھ  شرجیل میمن کاکراچی میں میڈیا سے گفتگو کرتے ہوئے کہنا تھا کہ وزیرخارجہ  بلاول بھٹو  کےمودی  کومسلمانوں کے قتل عام پرقصائی کہنے پر پورے بھارت میں مظاہرے کیے جا رہے ہیں ۔بھارت میں مودی کے کہنے پر ٹرینوں میں آگ لگائی گئی، پاکستان میں دہشت گرد کارروائیوں کے تانے بانے بھارت سے ملتے ہیں۔ کشمیریوں کے جسم پر پیلٹ گن کے نشانات ابھی بھی موجود ہیں۔ کشمیر میں تاریخ کا سب سے طویل کرفیو لگایا گیا، نریندر مودی نے وزیراعظم بننے کے بعد اقلیتوں کے ساتھ ظلم کیا۔بلاول بھٹو کی حمایت میں ریلی میں کل تمام شہریوں کو شریک ہونا چاہیے، ہم سب کشمیر اور پاکستان کے ایشو پر متحد ہیں۔ پورا پاکستان وزیر خارجہ بلاول بھٹو زرداری کے ساتھ ہے، کل ریلی میں شریک ہو کر دنیا کو پیغام دیں کہ پاکستان دہشت گردی کے خلاف ہے۔