وفاقی دارلحکومت میں نیو ائیر نائٹ پرفول پروف سکیورٹی کیلئے3ہزار سے زائد افسران و جوان سکیورٹی ڈیوٹی سرانجام دیں گے۔

تفصیلات کے مطابق اسلام آباد کیپیٹل پولیس نے نیو ائیر نائٹ کے لئے سکیورٹی پروگرام جاری کردیا۔اسلام آباد انتظامیہ کی جانب سے موٹرسائیکل ڈبل سواری پر پابندی ہے۔شہر کے داخلی، خارجی راستوں اور اندرون شہر سخت چیکنگ ہوگی۔تمام زونل افسران خود اپنے اپنے علاقوں میں موجود رہیں گے۔

ٹریفک افسران کو ٹریفک کی روانی یقینی بنانے، ون ویلنگ کے خلاف سخت ایکشن کی ہدایات،مارکیٹوں، عوامی مقامات پر سکیورٹی کے سخت انتظامات ہوں گے۔

مشکوک گاڑیوں، افراد کے خلاف سخت چیکنگ کی جائے گی۔عوام خصوصاً نوجوانوں سے گزارش ہے کہ وہ کوئی غیر قانونی فعل نہ کریں۔پولیس کاکہنا ہے کہ شہری دوران سفر اپنے شناختی دستاویزات ہمراہ رکھیں