16ویں سابق پوپ بینیڈکٹ  اپنی ویٹیکن رہائش گاہ پر 95 سال کی عمر میں انتقال کر گئے۔ 

16ویں سابق پوپ بینیڈکٹ خرابی صحت کی وجہ سے تقریباً ایک دہائی قبل اپنے عہدے سے دستبردار ہو گئے تھے۔16ویں سابق پوپ بینیڈکٹ نے آٹھ سال سے بھی کم عرصہ کے لئے کیتھولک چرچ کی قیادت کی اور وہ 2013 میں دستبردار ہونے پر 1415 میں گریگوری بارہویں کے بعد مستعفی ہونے والے پہلے پوپ بن گئے۔ بینیڈکٹ نے اپنے آخری سال ویٹیکن کی دیواروں کے اندر واقع خانقاہ میں گزارے۔

 موجودہ پوپ فرانسس نے کہا کہ وہ اکثر ان سے ملاقات کے لئے جاتے رہتے تھے۔ ویٹیکن  سے جاری ہونے والے ایک بیان میں انہوں نے کہا کہ افسوس کے ساتھ آپ کو مطلع کرتا ہوں کہ16ویں سابق پوپ بینیڈکٹ کا آج صبح 9:34 پر انتقال ہو گیاانہوں نے مزید کہا کہ سابق پوپ کچھ عرصے سے بیمار تھے اور بڑھتی عمر کی وجہ سے ان کی حالت لگاتار بگڑتی چلی گئی۔

بینیڈکٹ کا پورا نام جوزف رتزنگر بینیڈکٹ تھا اور وہ جرمنی میں پیدا ہوئے تھے۔ ان کی عمر اس وقت 78 سال تھی جب 2005 میں اب تک کے منتخب ہونے والے سب سے معمر پوپ بنے تھے۔ اپنے پاپائیت کے زیادہ تر حصے کے لیے کیتھولک چرچ کو پادریوں کی طرف سے کئی دہائیوں تک بچوں کے ساتھ بدسلوکی کے الزامات، قانونی دعووں اور سرکاری رپورٹس کا سامنا کرنا پڑا۔ اس سال کے شروع میں سابق پوپ نے اعتراف کیا تھا کہ 1977 سے 1982 کے درمیان میونخ کے آرچ بشپ رہنے کے دوران بدسلوکی کے معاملات سے نمٹنے میں غلطیاں ہوئی تھیں۔