چین اور سعودی عرب پاکستان کو دیوالیہ ہونے سے بچانے کیلئے میدان میں آگئے ۔دونوں ممالک سے 6ارب ڈالر کے حصول کیلئے مذاکرات جاری ہیں ۔

تفصیلات کے مطابق  میڈیا سے گفتگو کرتے ہوئے وزیر مملکت برائے خزانہ عائشہ غوث پاشا نے کہا ہے کہ پاکستان بیرونی ادائیگیوں کی ذمے داریاں پوری کرے گا، ملک کے ڈیفالٹ ہونے کا کوئی امکان نہیں، سعودی عرب سے 3 ارب ڈالر کے حصول کے لیے بات چیت جاری ہے، چین سے بھی 3 ارب ڈالر کے لیے بات چیت کر رہے ہیں، آئی ایم ایف کی سالانہ تعطیلات چل رہی ہیں، ہم ان کے حکام سے رابطے میں ہیں۔واضح رہے کہ وزیر خزانہ کی آئی ایم ایف حکام سے ڈونرز کانفرنس کے موقع پر ملاقات بھی ہوگی۔ یہ کانفرنس 9 جنوری کو جنیوا میں ہورہی ہے۔