ق لیگ پی ٹی آئی کیساتھ 5شہروں میں سیٹ ایڈجسٹمنٹ کی خواہشمند
تحریک انصاف کیساتھ سیٹ ایڈجسٹمنٹ کیلئے ق لیگ نے5 شہروں کے نام بھی بتادیئے۔
تفصیلات کے مطابق تحریک انصاف اور مسلم لیگ( ق) کے پرویز الٰہی گروپ کےدرمیان سیٹ ایڈجسٹمنٹ پر مذاکرات کا سلسلہ جاری ہے۔ایسے حلقوں کے نام سامنے آگئے جہاں جہاں( ق) لیگ سیٹ ایڈجسٹمنٹ چاہتی ہے لیکن تاحال کمیٹی کسی حتمی نتیجے پر نہیں پہنچ سکی ۔مذاکرات میں مسلم لیگ (ق) نے گجرات، وزیر آباد اور منڈی بہاؤالدین ،ڈسکہ اور حافظ آباد کی نشستوں پر ایڈجسٹمنٹ کی خواہش ظاہر کی ۔(ق) لیگ نے بہاولپور اور چکوال کے حلقوں کی بھی خواہش ظاہر کردی تاہم دونوں جماعتوں کی سیٹ ایڈجسٹمنٹ کمیٹی حتمی نتیجے پر نہ پہنچ سکی۔ان حلقوں میں مسلم لیگ (ق) الیکشن لڑنا چاہتی ہے ۔
