کراچی: سندھ ہائیکورٹ نے مزید مقدمات میں سینیٹر اعظم سواتی کو گرفتار  کرنے سے روک دیا۔

 اعظم سواتی کے بیٹے عثمان سواتی نے والد کی سندھ میں گرفتاری  کے خلاف نئی درخواست دائر کی تھی جس کی فوری  سماعت  کی استدعا کی گئی تھی۔

سندھ ہائیکورٹ نے  عثمان سواتی  کی درخواست  کو فوری  سماعت کے لیے منظور کیا جس پر جسٹس کے کے آغا کی سربراہی میں 2  رکنی بینچ نے سماعت  کی۔

عدالت نے درخواست  پر مختصر سماعت کے بعد مزید مقدمات میں اعظم سواتی کو گرفتار کرنے سے روک دیا۔