آزاد کشمیر میں بلدیاتی انتخابات کے تیسرے مرحلے میں میرپور ڈویژن میں غیرحتمی غیر سرکاری نتائج  جاری کردیئے گئے۔

 تفصیلات کے مطابق آزاد کشمیر میں بلدیاتی انتخابات کا تیسرے مرحلے میں الیکشن کمیشن کنٹرول روم کی جانب سےمیرپور ڈویژن کی 1083 میں سے 1070 نشستوں کے نتائج جاری کردیے گئے۔الیکشن کمیشن کے مطابق میرپور ڈویژن میں تحریک انصاف 371نشستوں کے ساتھ پہلے نمبر پر ہے۔ آزاد امیدوار 313 نشستوں کے ساتھ دوسرے اورمسلم لیگ ن 230 نشستوں کے ساتھ تیسرے نمبر پر ہے۔ پیپلز پارٹی 139، مسلم کانفرنس  اور تحریک لبیک 8، 8 اور جماعت اسلامی صرف ایک نشست حاصل کر سکی۔نتائج کے مطابق ضلع کونسل کی 116 اور میونسپل کارپوریشن کی 60، یونین کونسل کی 838، میونسپل کمیٹی 48 اور ٹاؤن کمیٹی کی 8 نشستوں کے نتائج جاری کیے گئے ہیں جبکہ میونسپل کمیٹی اور ٹاؤن کمیٹی کی ایک ایک نشست کا نتیجہ آنا باقی ہے۔