امیر جماعت اسلامی سراج الحق نے کہا کہ اس وقت پاکستان میں ایک ٹرائیکا مسلط ہے، ٹرائیکا نے بد ترین کرپشن کرکے ملک کا دیوالیہ نکال دیا ہے ۔

تفصیلات کےمطابق امیر جماعت اسلامی پاکستان سراج الحق نے کراچی آمد کے موقع پر ادارہ نورحق میں اہم پریس کانفرنس کی ۔ ان کا کہناتھا کہ مرکز میں پی ڈی ایم اور سندھ میں پیپلز پارٹی اور کے پی کے میں پی ٹی آئی کی حکومت ہے۔، وزیر خزانہ سچ نہیں بول رہا ، پاکستان ڈیفالٹ کر چکا ہے ۔ پاکستان کے زر مبادلہ تیزی سے گرکر 7 بلین پر آگئے ہیں۔

 بنیادی ضروریات کی چیزیں خریدنے کے لیے بھی پیسے نہیں ، ملک کا کوئی ولی وارث نہیں ، مرکز اپنی ذمہ داری صوبائی پر اور صوبائی حکومتیں مرکز پر ذمہ داری ڈال رہی ہیں۔ وفاقی حکومت آپس میں دست و گریباں ہیں جس کا نقصان صرف اور صرف عوام کو ہورہا ہے۔