سائفر کیس : ایف آئی اے نے عمران خان کو دوبارہ طلب کرلیا

لاہور : ایف آئی اے آفیسر عمران خان کو دوبارہ طلب کرنے کا سمن لیکر زمان پارک پہنچ گیا۔

وفاقی تحقیقاتی ادارے (ایف آئی اے) نے سائفر کیس پر وزارت داخلہ کے حکم پر تحقیقات کا آغاز کردیا ہے۔ تحقیقاتی ٹیم میں ایف آئی اے لاہور کے اعلیٰ افسران بھی شامل ہیں۔

ایف آئی اے نے عمران خان کو اس سے قبل سات نومبر اور شاہ محمود قریشی کو تین نومبر کو طلب کیا گیا تھا۔ پی ٹی آئی رہنماء وزیر آباد حملہ کیس میں زخمی ہونے کے باعث ایف آئی اے پیش نہیں ہوئے تھے۔

یہ بھی پڑھیں : اعظم سواتی ویڈیو کا سورس بتائیں : سینیٹ کمیٹی، واٹس اپ مانیٹر نہیں کر سکتے : ایف آئی اے

ایف آئی اے نے زمان پارک استقبالیہ پر عمران خان کو دوبارہ طلب کرنے کے نوٹس کی تعمیل کروائی۔ انہیں چھ دسمبر کو اسلام آباد طلب کیا گیا ہے۔