سونے کی فی تولہ قیمت میں 400 روپے کی کمی

عالمی صرافہ مارکیٹ میں سونے کی فی اونس قیمت میں اضافے کے بعد پاکستان میں سونے کی فی تولہ قیمت میں کمی کردی گئی۔

تفصیلات کے مطابق صرافہ بازار ایسویسی ایشن کے جاری کردہ بیان میں سونے کی فی تولہ قیمت میں 400 روپے کی کمی کردی گئی ہے۔ 400 روپے کی کمی سے فی تولہ سونا 1 لاکھ 61 ہزار 200 روپے کا ہوگیا۔

اسی طرح 10 گرام سونے کی قیمت میں 314 روپے کی کمی کی گئی ہے۔ جس کے بعد سونے کی فی 10 گرام قیمت 1 لاکھ 38 ہزار 203 روپے ہوگئی۔

دوسری جانب عالمی صرافہ مارکیٹ میں سونے کی فی اونس قیمت میں 4 ڈالر کی کمی کی گئی ہے۔جس کے بعد فی اونس سونا 1760 ڈالر کی قیمت پر آگیا۔