سندھ حکومت نے گنےکی فی من امدادی قیمت مقرر کردی

سندھ حکومت نے گنے کی فی من امدادی قیمت 302 روپے مقرر کرنے کا فیصلہ کرلیا۔

مشیر زراعت منظور وسان کا کہنا ہے کہ سندھ میں گنے کی فی من امدادی قیمت 302 روپے مقرر کرنے کا فیصلہ کیا گیا ہے۔

منظور وسان کا کہنا ہے کہ  گنے کی قیمت مقرر کرنے کا نوٹیفکیشن کچھ دیر میں جاری کیا  جائے گا۔

انہوں نے کہا کہ سندھ کے مختلف اضلاع میں شوگر ملیں چل رہی ہیں۔ کاشتکاروں اور کسانوں کو بیج کے لیے فی ایکڑ 5 ہزار روپے دینے کا طریقہ کار بھی جاری کیا گیا ہے اور اس کے لیے  کمیٹیاں بھی بنائی گئی ہیں۔

مشیر زراعت نے مزید کہا کہ   سندھ حکومت نے گنے کی فی من امدادی قیمت پنجاب سے زیادہ مقرر کی ہے۔