انڈسٹری کا فروغ ہماری اولین ترجیحات میں شامل ہے، مریم اورنگزیب

انڈسٹری کا فروغ ہماری اولین ترجیحات میں شامل ہے، مریم اورنگزیب

 

مریم اورنگزیب نے کہا ہے کہ انڈسٹری کا فروغ ہماری اولین ترجیحات میں شامل ہے۔

تفصیلات کے مطابق وفاقی وزیر اطلاعات و نشریات مریم اورنگزیب نے ایک تقریب سے خطاب کرتے ہوئے کہا کہ دنیا بھر میں اسکرین ٹورازم اہم مقام حاصل کر چکی ہے۔

انہوں نے کہا کہ اسکرین ٹورازم کے ذریعے ہم نہ صرف اپنی کہانی بیان کر سکتے ہیں بلکہ اپنی ثقافت اور معاشرتی اقدار کو بھی فروغ دے سکتے ہیں۔

مریم اورنگزیب نے کہا کہ بدقسمتی سے پاکستان کی فلم انڈسٹری نے بہت کٹھن حالات کا سامنا کیا، 60ء کی دہائی میں پاکستان جنوبی ایشیاء میں فلم سازی کے لحاظ ایک بڑا ملک ہونے کے ساتھ ساتھ اپنے ہمسایہ ملک کے مقابلے میں فلمی صنعت کا سب سے بڑا پروڈیوسر ملک تھا۔

وفاقی وزیر اطلاعات و نشریات نے یہ بھی کہا کہ پاکستان میں تیس سے چالیس سالوں میں فلم انڈسٹری تقریباً ختم ہو چکی تھی، گزشتہ دس سالوں میں فلم انڈسٹری دوبارہ بحالی کی جانب گامزن ہوئی۔

اپنا تبصرہ بھیجیں