سندھ حکومت ہائیکورٹ کے فیصلے کیخلاف اپیل کرے : پروین رحمان کے اہلخانہ کا مطالبہ
کراچی : پروین رحمان کے اہلخانہ کی جانب سے سندھ ہائیکورٹ کے فیصلے پر رد عمل دیا ہے کہ سندھ حکومت فیصلے کے خلاف اپیل کرے۔
پروین رحمان کے اہلخانہ نے کہا ہے کہ سندھ ہائیکورٹ کے آج کے فیصلے کے خلاف سپریم کورٹ میں اپیل دائر کریں گے۔ ملزم کی جانب سے ہمارے اہلخانہ کو خطرہ ہے۔ اورنگی پائلٹ پروجیکٹ میں کام کرنے والوں کو بھی جان کا خطرہ ہے۔
یہ بھی پڑھیں : پروین رحمان کے قتل میں ملوث ملزمان کی سزا کالعدم، رہا کرنے کا حکم
اہلخانہ نے مطالبہ کیا کہ ملزمان کو ایم پی او کے تحت بند کیا جائے۔ سندھ حکومت فوری طور پر آج کے سندھ ہائیکورٹ کے فیصلے کے خلاف اپیل کرے۔ وفاقی حکومت اس طرح کے کیسز کو دیکھے۔ ایسے کیسز میں انصاف نہیں ملتا۔ رحیم سواتی اور دیگر کے خلاف ٹھوس شواہد موجود ہیں۔
