چینی سمارٹ فون بنانے والی کمپنی Tecno نے اپنی Spark 10 سیریز کو تین نئے اسمارٹ فونز، Spark 10 5G، Spark 10، اور Spark 10C متعارف کرا دیا ہے۔

یہ نئی ڈیوائسز اس ماہ کے شروع میں ریلیز ہونے والے Tecno Spark 10 Pro کے بعد شروع کی گئی ہیں۔ اور دل چسپ امر یہ ہے کہ یہ تمام موبائل فونز دیکھنے میں آئی فون  ہی لگتے ہیں ۔

رپورٹ کے مطابق  تینوں اسمارٹ فونز میں 18W فاسٹ چارجنگ کے ساتھ 5,000 mAh بیٹری ہے۔ اسپارک 10 اور اسپارک 10 5 جی اینڈرائیڈ 13  نصب ہے ، جبکہ اسپارک 10 سی میں اینڈرائیڈ 12 گو ایڈیشن ہے۔

Tecno نے ابھی  ان فونز کی مکمل  تفصیلات ظاہر نہیں کیں۔ لیکن ان سب  ماڈلز میں ایک 50MP AI پیچھے والا کیمرہ اور سامنے کی طرف دوہری فلیش لائٹس ہیں۔

سافٹ ویئر کی خصوصیات کے لحاظ سے، Tecno نے بیوٹی موڈ اور اے آر اسٹیکرز شامل کیے ہیں۔ مزید برآں، Spark 10 سیریز سپر نائٹ فلٹرز اور ایک سپر نائٹ الگورتھم کا حامل ہے۔

یہ ماڈل میٹا رنگوں، سیاہ، نیلے، سفید اور سبز میں  دست یاب ہیں ۔ کمپنی نے بتایا کہ یہ لائن اپ سب صحارا افریقہ، جنوب مشرقی ایشیا، جنوبی ایشیا، جنوبی امریکہ، مشرق وسطیٰ اور کچھ یورپی ممالک میں دستیاب ہوگا۔ پاکستان کے لیے لانچ کی صحیح تاریخ کے بارے میں ابھی تک  ظاہر نہیں کی گئی۔