آرمی چیف جنرل عاصم منیر کی زیرصدارت دو روزہ 254 ویں کور کمانڈرز کانفرنس میں فیصلہ کیا گیا کہ دہشت گردوں کے خلاف کارروائیاں بلاتفریق جاری رہیں گی۔

آرمی چیف جنرل عاصم منیر کی زیرصدارت دو روزہ کور کمانڈرز کانفرنس کا اعلامیے جاری کردیا گیا۔

پاک فوج کے شعبہ تعلقات عامہ (آئی ایس پی آر) کے مطابق کورکمانڈر کانفرنس 27 سے 28 دسمبرتک جاری رہی۔ کانفرنس میں فوج کے پیشہ ورانہ اور تنظیمی امور کا جامع جائزہ لیا گیا۔

کانفرنس میں عسکری قیادت نے قومی امنگوں کے مطابق دہشتگردوں کیخلاف بلاتفریق لڑنے اور ملک سے دہشتگردی کی لعنت ختم کرنے کے عزم کا اعادہ کیا گیا۔