نگران وزیراعظم انوارالحق کاکڑ نے اپنی کابینہ کی تشکیل کےلیے مشاورت تیز کردی ہے۔ اس حوالے سے بہت سے اہم نام سامنے آرہے ہیں۔

ذرائع کے مطابق پہلے مرحلے میں دس سے بارہ وزراء کابینہ میں شامل کیے جانے کی تجویز ہے۔ اس حوالے سے مختلف شعبہ جات کے ماہرین، سابق بیوروکریٹس اور ٹیکنو کریٹس سے رابطے جاری ہیں۔

ذرائع کا کہنا ہے کہ نگران حکومت کی کابینہ کیلئے مختلف  نام زیر غور ہیں۔ جس میں فیصل واوڈا، میجر ریٹائرڈ خرم حمید روکھڑی، شاہد آفریدی کے نام نگران کابینہ کیلئے تجویز کیے گئے ہیں۔ اس کے علاوہ قاری صداقت علی، احمد چیمہ، مشتاق سکھیرا، محمد علی درانی، جلیل عباس جیلانی، ابصار عالم، سلیم صافی اور حامد میر کے ناموں کی بھی تجویز دی گئی ہے۔

ذرائع نے بتایا ہے کہ حفیظ شیخ، گوہر اعجاز، ڈاکٹر شعیب سڈل، احسن بھون، سرفراز بگٹی، ذوالفقار چیمہ، شمشاد اختر، رضا باقر، اشتر اوصاف، محسن جگنو، عائشہ رضا فاروق، بریگیڈیئر ریٹائرڈ مظفر رانجھا اور ستارہ ایاز کے نام بھی زیر غور ہیں۔

نگران وزیراعظم انوارالحق کاکڑ اپنی کابینہ کی تشکیل میں مصروف ہیں۔ اس حوالے سے قریبی رفقاء اور اہم شخصیات سے صلاح مشورے جاری ہیں۔ ذرائع کا کہنا ہے کہ خزانہ، خارجہ، داخلہ، اطلاعات و نشریات،قانون و انصاف کے وزراء پہلے مرحلے میں حلف اٹھائیں گے۔

وزیراعظم ہاؤس کے ذرائع کا کہنا ہے کہ نگران کابینہ میں اچھے اور معتبر نام سامنے لائے جائیں گے، نگران وزیراعظم کے قریبی دوست بھی کابینہ کا حصہ ہوں گے۔ ٹیکنوکریٹس اور اہم ریٹائرڈ شخصیات کابینہ میں شامل کرنے کا فیصلہ کیا گیا ہے۔

معروف بنکر محمد زبیر کا نام وزیر خزانہ کے لئے  زیر غور ہے۔