وفاقی وزیرداخلہ راناثنااللہ کا کہنا ہے کہ ہم اسمبلیاں توڑنے کے عمل کی تائید نہیں کریں گے، اسمبلیاں توڑنا غیر جمہوری عمل ہے۔

تفصیلات کے مطابق وفاقی وزیرداخلہ راناثنااللہ کا انٹرویو میں کہنا تھا کہ  ”پی ٹی آئی مکاؤ،ملک بچاؤ مہم ہم بھی شروع کریں گے”۔ صدر مملکت سے کوئی باضابطہ مذاکرات نہیں ہو رہے۔ ارشد شریف (مرحوم) کے قتل کے مقدمے پر جے آئی ٹی تشکیل دی جائے گی۔دفعہ 174 کے تحت اسلام آباد پولیس تفتیش کر رہی تھی۔ فیکٹ فائنڈنگ ٹیم بھی کیس کی تحقیقات کر رہی تھی۔ اسلام آباد پولیس زیر دفعہ 174 ضابطہ فوجداری کے تحت ارشد شریف کے معاملہ کی انکوائری کر رہی تھی۔ فیکٹ فائنڈنگ ٹیم کی رپورٹ آج سپریم کورٹ میں جمع کروائی جا رہی ہے۔ اب ایف آئی آر درج ہو چکی ہے، فیکٹ فائنڈنگ ٹیم کی رپورٹ اس کا حصہ ہوگی۔ خرم اور وقار صحافی ارشد شریف کے کیس میں باہر نہیں ہو سکتے، ان کے ساتھ اور لوگ بھی ہو سکتے ہیں۔طارق وصی کی وساطت سے ارشد شریف مرحوم کینیا پہنچے اور وہاں جا کر یہ وقار احمد اور خرم احمد کے مہمان تھے۔ ان تینوں لوگوں کو شامل تفتیش کریں گے۔