صدر عارف علوی نے حاجی غلام علی کی بطور گورنر خیبر پختون خواہ تعیناتی
صدر عارف علوی نے حاجی غلام علی کی بطور گورنر خیبر پختون خواہ تعیناتی کردی
صدر مملکت نے تعیناتی آئین کے آرٹیکل 101 کے تحت وزیر اعظم کی ایڈوائس پر کی
صدر مملکت عارف علوی نے حاجی غلام علی کی بطور گورنرخیبر پختونخوا تعیناتی کی منظوری دے دی۔
جمعیت علمائے اسلام کے حاجی غلام علی کی بطور گورنر خیبرپختونخوا تعیناتی کی وزیراعظم شہبازشریف کی ایڈوائس صدر مملکت عارف علوی کو بھجوائی گئی تھی۔
صدرمملکت عارف علوی نے وزیراعظم کی ایڈوائس کی توثیق کردی ہے، اور حاجی غلام علی کی بطور گورنرخیبرپختونخوا تعیناتی کی منظوری دے دی ہے۔
صدرمملکت عارف علوی نے گورنر کے پی کی تعیناتی کی منظوری آئین کے آرٹیکل 101 کے تحت دی ہے۔
مزید پڑھیں؛ گورنر بلوچستان کا عہدہ پیپلزپارٹی کو دیئے جانے کا امکان
خیبر پختونخواہ کے گورنر کا عہدہ گزشتہ کئی ماہ سے خالی تھا جس پر تقرری کے سلسلہ میں وزیر اعظم شہباز شریف کی جانب سے اتحادیوں جماعتوں سے مشاورت بھی ہو رہی تھی۔
وزیر اعظم نے مشاورت کے بعد گورنر خیبر پختونخوا کیلئے جمعیت علمائے اسلام کے رہنما حاجی غلام علی کا نام صدر مملکت کو ارسال کیا تھا۔
دو جون کو اتحادی جماعتوں کے درمیان عمران خان حکومت کے خاتمے کے بعد گورنر خیبرپختونخوا کا عہدہ جمعیت علمائے اسلام (ف) کے حصے میں آیا تھا تاہم اکرم خان درانی اور حاجی غلام علی نے یہ عہدہ لینے سے معذرت کرلی تھی۔
مزید پڑھیں: سابق گورنر کے پی مستعفی ہونے کے بعد بھی مزے
اتحادی جماعتوں کے درمیان اس پر ایک بار پھر مشاورت کی گئی اور گورنر خیبرپختونخوا کا عہدہ عوامی نیشنل پارٹی کو دینے کا فیصلہ کیا گیا، جس کیلئے آصف زرداری نے اہم کردار ادا کیا۔
تاہم اب ایک بار پھر اتحادی جماعتوں کی مشاورت کے بعد مولانا فضل الرحمان کے نامزد کردہ حاجی غلام علی کو گورنر خیبرپختون خوا تعینات کرنے پر اتفاق ہوچکا ہے۔
